မြတ်ဗုဒ္ဓ၏ ဆိုဆုံးမစကားအရ မကောင်းမှုကိုသာ ကြံစည်ခြင်း၊ မကောင်းသော၊ အပြစ်မကင်းသော စကားကိုသာ ပြောဆိုခြင်းနှင့် မကောင်းမှုကိုသာပြုလုပ်ခြင်းတို့သည် သူမိုက်သူယုတ်တို့၏ လက္ခဏာများ ဖြစ်ကြသည်။ အဆိုပါ လက္ခဏာများရှိသူတို့မှာ ပညာတတ်သူပင် ဖြစ်စေ၊ အမျိုးမြတ်သူပင် ဖြစ်စေ၊ ပစ္စည်းဥစ္စာ ကြွယ်ဝသူပင်ဖြစ်စေ၊ မင်းအစိုးရပင် ဖြစ်စေ၊ မည်သူမဆို သူမိုက်သူယုတ်သာတည်း။

သူမိုက်သူယုတ်တို့ တိုင်းပြည်အုပ်ချုပ်သောအခါ ကမ္ဘာ့ အသိုင်းအဝိုင်း၏ ကဲ့ရဲ့ခြင်းခံရတတ်၏။ ပြည်သူများ ဆင်းရဲမွဲတေပြီး နိုင်ငံတကာအလယ်တွင် မျက်နှာငယ်ရ၏။ အရှက်ကွဲရ၏။ သိက္ခာသုံးပါးပြည့်စုံသူတို့ တိုင်းပြည်အုပ်ချုပ်သောအခါ တိုင်းပြည် ကြွယ်ဝချမ်းသာလာရုံမက နိုင်ငံတကာအသိုင်းအဝိုင်း၏ ချီးမွမ်းခြင်းကိုပါ ခံရမည်။

သိက္ခာသုံးပါပြည့်စုံသူတို့မှာ အကျိုးမပြတ်သော သီလ၊ သမာဓိ၊ ပညာနှင့် ပြည့်စုံသူများ ဖြစ်ကြသည်။ သူတို့သည် “ငါတို့နိုင်ငံ့အရေး ငါတို့က ပိုသိ၏။ မည်သူကမျှ ဝင်မစွက်ဖက်ရ၊ ငါတို့နိုင်ငံအတွင်း မှီတင် နေထိုင်သူများကို ငါတို့ စိတ်ကြိုက် ပြုမူဆက်ဆံပိုင်ခွင့်ရှိသည်။ ဘာသာနှင့်လူမျိုးပေါ် အခြေခံ၍ လူမျိုးအမည်ပြောင်းခွင့်၊ အသက်အိုးအိမ်စည်းစိမ်များ မီးရှို့ဖျက်ဆီးခွင့်၊ ဂိုဏ်းဖွဲ့ မုဒိန်းကျင့်ခွင့်၊ အစုလိုက်အပြုံလိုက်သတ်ဖြတ်ခွင့်ရှိသည်။

မောင်းထုတ်လိုသည့်အခါ ခိုးဝင်ဟုပြော၍ မောင်းထုတ်ပြီး အလိုရှိသည့်အခါလည်း ပြန်ခေါ်ခွင့်ရှိသည်” ဟု မည်သည့်အခါမျှ ပြောရဲမည်မဟုတ်ကြပေ။ အာဏာ၊ ဥစ္စာဓနနှင့် ဘွဲ့ဂုဏ်ရာထူးများကို မတရားသော နည်းလမ်းများဖြင့် ရယူနိုင်သော်လည်း သိက္ခာကိုမူ သီလ၊ သမာဓိအားဖြင့်သာ ရယူနိုင်သည်။

ကမ္ဘာပေါ်မှာ လူကြိုက်အများဆုံး၊ အကောင်းဆုံး၊ ဈေး အကြီးဆုံး၊ အရည်အသွေးအကောင်းဆုံး ထုတ်ကုန်များကို ထုတ်လုပ်ပေးသော ကုမ္ပဏီများသည် ကမ္ဘာသူ၊ ကမ္ဘာသားအများစု၏ ယုံကြည်မှုကို ရယူပိုင်ဆိုင်ထားကြသူများ ဖြစ်သည်။ သူတို့က “ငါတို့၏ထုတ်ကုန်သည် ကမ္ဘာမှာ အရောင်းရဆုံးဖြစ်သည့်အတွက် မည်သူ့ကိုမျှ ဂရုစိုက်စရာမလို” ဟု ဘယ်တုန်းကမျှ ပြောမည်မဟုတ်ပေ။

နှစ်ပေါင်း ၃၀ အကူအညီပေးခဲ့သူအား မဟုတ်မတရားစွပ်စွဲပြီး လူသိရှင်ကြား ပြစ်တင် ထုတ်ဖော်ရေးသားခြင်းသည် မိမိကိုယ်တိုင် လူမိုက်လူယုတ်သာဖြစ်ကြောင်း ဝန်ခံရာရောက်၏။ မိုက်မဲမှု၏ အကျိုးဆက်မှာ သိက္ခာကျခြင်းနှင့် ဆုတ်ယုတ်ပျက်စီးခြင်းပင် ဖြစ်ချေ၏။

 

Comments are closed.

Check Also

Pakistan and Bangladesh : Responsible to disclose the Rohingya Genocide

Myanmar government is systematically and repeatedly terrorizing the Rohingya minority sinc…