ဒီမိုကရေစီစနစ်နဲ့ အုပ်ချုပ်ခဲ့တဲ့ ဂျာမဏီနိုင်ငံမှာ၊ ဟစ်တလာက ဒီမိုကရေစီကို အဆုံးသတ်ပြီး နာဇီဝါဒကို အစားထိုး ကျင့်သုံးခဲ့တယ်။ ဂျူးလူမျိုးတွေကို အဓိကပစ်မှတ်ထားပြီး မူဝါဒချမှတ်ခြင်း၊ မုန်းတီးရေးဝါဒဖြန့်ခြင်း၊ လူမျိုးရေး၊ ဘာသာရေးအသွင် အကြမ်းဖက်မှုများ ဖန်တီးခြင်းများ ပြုလုပ်ခဲ့ပါတယ်။

မြန်မာနိုင်ငံမှာလည်း အာဏာရှင်ဦးနေဝင်းက နာဇီတို့ရဲ့ မူဝါဒကို ပုံတူကူးချပြီး ဂျူးအပေါ် ကျူးလွန်သကဲ့သို့ မြန်မာစစ်အာဏာရှင်များကလဲ မွတ်စလင်အားလုံးအပေါ် မူဝါဒချမှတ်ပြီး စနစ်တကျ နှိပ်ကွပ်လာခဲ့ပါတယ်။ မြန်မာ့သမိုင်းတွင် မွတ်စလင်များက ခေတ်အဆက်ဆက်၌ တိုင်းပြည်အတွက် အသက်စည်းစိမ်များ ပေးလှူခဲ့သည်ကို ထင်ထင်ရှားရှားတွေ့ရတယ်။

ဒါပေမဲ့ ဦးနေဝင်းလက်ထက်ကစပြီး “ကုလားမုန်းတီးရေး” ကို တွင်တွင်ကျယ်ကျယ် အသက်သွင်းလာခဲ့တယ်။ ပင်လုံစာချုပ်ပါအတိုင်း တိုင်းရင်းသားတို့ရဲ့ အခွင့်အရေးတွေ ပေးရမည်ကို “တိုင်းရင်းသား” အခွင့်အရေးခေါင်းစဉ်နဲ့ ပြည်နယ်နဲ့တိုင်း (၁၄)ခု ခွဲပေးပြီး နှစ်သိမ့်ခဲ့ပါတယ်။

“ကုလားရန်” ကို အကြောင်းပြပြီး တိုင်းရင်းသားများကို မဟာဗမာဝါဒအတွက် စည်းရုံးခဲ့တယ်။ ၁၉၈၂ မှာ နိုင်ငံသားဥပဒေကို ပြဋ္ဌာန်းပြီး မြန်မာနိုင်ငံရှိ မွတ်စလင်များကို အဓိက ပစ်မှတ်ထားလာခဲ့တယ်။ ယနေ့အထိ မြန်မာစစ်အာဏာရှင်များက ဦးနေဝင်းချမှတ်ခဲ့တဲ့ မူဝါဒအတိုင်းသာ ဆက်လက်လုပ်ဆောင်နေတယ်။

အထူးသဖြင့် ၁၉၈၈တွင် ပြည်သူအားလုံးကို ဒီမိုကရေစီတောင်းဆိုထားသည်ကို ဓမ္မာရုံများဆောက်ပြီး ဗုဒ္ဓဘာသာကို နိုင်ငံရေးအကျိုးအမြတ်အသုံးချခြင်း၊ ကုလားမုန်းတီးရေးကို နိုင်ငံတော်အဆင့်ဖြင့် လုပ်ဆောင်ခြင်းများ လုပ်လာခဲ့တယ်။ “မျိုးပျောက်မှာ စိုးကြောက်စရာ” “ဘုံပျောက်မှာ စိုးကြောက်စရာ” စတဲ့ မုန်းတီးရေးစာအုပ်များကို နိုင်ငံအနှံ့ ကျယ်ကျယ်ပြန့်ပြန့် ဖြန့်ဖြူးစေခဲ့တယ်။

ဦးနေဝင်းလက်ထက်ကစပြီး ကုလားနှိပ်ကွပ်ရေးမူဝါဒဖြစ်တဲ့ “မြေမျို၍ လူမျိုးမပျောက်၊ လူမျိုမှ လူမျိုးပျောက်မည်” ဟူသော နာဇီမူဝါဒကို ယနေ့အထိ လဝက ရုံးတိုင်းမှာ တွေ့မြင်နေရတယ်။ နာဇီမူဝါဒအရ ဂျာမန်များသာ နိုင်ငံသားဖြစ်ခွင့်ရှိတယ်။ စစ်အာဏာရှင်များရဲ့မူဝါဒကလဲ ဗုဒ္ဓဘာသာ များသာ နိုင်ငံသားဖြစ်ခွင့်ရှိပြီး မွတ်စလင်များ နိုင်ငံသားဖြစ်ခွင့်မရှိပေ။

အထူးသဖြင့် ရခိုင်ပြည်နယ်ရှိ ရိုဟင်ဂျာတို့မှာ “မရမာကြီး၊ မြို၊ ခမီး၊ သက်” စတဲ့ တိုင်းရင်းသားတွေကဲ့သို့ ဘာသာစကား၊ ယဉ်ကျေးမှု၊ ရုပ်ရည်သွင်ပြင်၊ အစစအရာရာ တူညီနေသော်လည်း ရိုဟင်ဂျာတို့အား ဘာသာမတူညီမှုကို အကြောင်းပြပြီး ယခင်ရှိခဲ့တဲ့ မွေးရာပါ နိုင်ငံသားအခွင့်အရေးများကို လုယူလိုက်တယ်။

၁၉၉၀ မတိုင်မီ ရိုဟင်ဂျာအားလုံး NRC အမျိုးသား မှတ်ပုံတင်ကဒ် ကိုင်ဆောင်ခဲ့သော်လည်း ၎င်းတို့အား ဝှိုက်ကဒ်ဖြင့် အစားထိုးခဲ့တယ်။ ယခု သူတို့ကို လူမျိုးတုံး သတ်ဖြတ်ရေး စီမံကိန်းဖြင့် NVC ကဒ်များကို အတင်းအဓမ္မ ကိုင်ဆောင်စေတယ်။ ယခင် ခေတ်အဆက်ဆက်က မွတ်စလင်များကို တိုင်းပြုပြည်ပြု လွှတ်တော်များတွင် အရွေးခံခွင့်၊ အမှုထမ်းခွင့်ရှိခဲ့ပေမဲ့ နာဇီဝါဒကို “ဒီမိုကရေစီ” အမည်နဲ့ ကျင့်သုံးနေတဲ့ မြန်မာနိုင်ငံမှာ ၂၀၁၅မှစပြီး မည်သည့် မွတ်စလင်မှ လွှတ်တော်အမတ်အဖြစ် ရွေးချယ်ပိုင်ခွင့်မရှိပေ။

တချို့ဗုဒ္ဓဘာသာဝင်တွေက မွတ်စလင်တွေအပေါ် နှိပ်ကွပ်နေခြင်းအား ဗုဒ္ဓဘာသာကို ကာကွယ်နေခြင်းဟု မှားယွင်းစွာ မှတ်ယူနေကြတယ်။ အမှန်မှာ စစ်အာဏာရှင်တွေရဲ့ လူမျိုးရေး၊ ဘာသာရေးပေါ်အခြေခံတဲ့ ဖိနှိပ်ချုပ်ချယ်မှုတွေဟာ ဂေါတမမြတ်စွာဘုရားရဲ့ မူဝါဒကို ပြောင်ပြောင်တင်းတင်း ဆန့်ကျင်နေခြင်းသာ ဖြစ်တယ်။

တချို့ မျက်ကန်း မျိုးချစ်နိုင်ငံရေးသမားတွေက မွတ်စလင်တွေကို နှိပ်ကွပ်ခြင်းအား အမျိုးသားလုံခြုံရေးအဖြစ် မှတ်ယူနေကြတယ်။ တကယ်တော့ အမျိုးသားလုံခြုံရေးကို အန္တရာယ် ပြုနေခြင်းသာဖြစ်တယ်။ နာဇီတွေက ဂျူးတွေကို နိမ့်ကျတဲ့လူမျိုးအဖြစ် သတ်မှတ်ပြီး နှိပ်ကွပ်ခဲ့တယ်။ မြန်မာစစ်အာဏာရှင်တွေက ရိုဟင်ဂျာတွေကို “ခိုးဝင်ဘင်္ဂလီ”ဟု ပြောင်းလဲခေါ်ဝေါ်စေပြီး လူမျိုးတုံးသတ်ဖြတ်ရေး အစီအမံများဖြင့် စနစ်တကျ မီးရှို့ဖျက်ဆီး၊ မုဒိန်းကျင့်၊ လုယက်၊ သတ်ဖြတ်နေကြတယ်။ အသက်လု ထွက်ပြေးခဲ့ရသူတွေကိုလဲ “သူတို့က မိမိတို့ဆန္ဒအလျှောက် ထွက်ပြေးခဲ့တာ” ဟု ဗြောင်လိမ်နေတယ်။

NLD အစိုးရကလဲ စစ်အာဏာရှင်တွေရဲ့ နာဇီမူဝါဒအတိုင်း ဆက်လက်ကျင့်သုံးနေတာ တွေ့ရတယ်။ နာဇီလေသံအတိုင်းသာပြောပြီး လိမ်ညာသူတွေအဖြစ် ကမ္ဘာ့ မီဒီယာမှာ ပုံဖော်နေကြတယ်။ အစိုးရမှန်နေရင် နိုင်ငံတကာ စုံစမ်းစစ်ဆေးရေးအဖွဲ့ ဝင်ခွင့်ပေးသင့်တယ်။ နိုင်ငံတကာမီဒီယာကို ဝင်ခွင့်ပေးသင့်တယ်။

၂၀၁၂ မှစပြီး ရိုဟင်ဂျာအားလုံးကို နာဇီတို့က ဂျူးလူမျိုးတွေအပေါ် ကျူးလွန်သကဲ့သို့ အကျဉ်းစခန်းတွေမှာ ပိတ်လှောင်ထားပြီး အစာရေစာဖြတ်၊ ဆေးဝါးဖြတ်ပြီး သေစေတယ်။ ခေတ်သစ်ကမ္ဘာမှာ မြန်မာနိုင်ငံကဲ့သို့ နာဇီဝါဒကို လက်တွေ့ကျကျ ကျင့်သုံးနေတဲ့ နိုင်ငံမှာ မြန်မာတစ်နိုင်ငံတည်းသာ ရှိနေတယ်။

ဒါကို ဒီမိုကရေစီ အသွင်ကူးပြောင်းရေးလို့ ပြောနေကြတဲ့သူတွေဟာ လူမိုက်၊ လူရိုင်းများသာ ဖြစ်လိမ့်မယ်။ ဦးစွာ အစိုးရရဲ့ နာဇီဝါဒကို ဒီမိုကရေစီမူဝါဒနဲ့ အစားထိုးရမယ်။ နာဇီတွေက ဂျူးတွေအပေါ်လုပ်ဆောင်ခဲ့တဲ့ ရက်စက်ကြမ်းကြုတ်မှုတွေအတွက် ဂျာမန်တစ်မျိုးသားလုံးက ပေးဆပ်ခဲ့ရသကဲ့သို့ ရိုဟင်ဂျာတွေပေါ် ကျူးလွန်နေတဲ့ ရက်စက်ကြမ်းကြုတ်မှုအတွက်လဲ မြန်မာပြည်သူ အားလုံးက ပေးဆပ်ရလိမ့်မယ်။

 

Comments are closed.

Check Also

ရိုဟင်ဂျာတို့၏ မူဝါဒသဘောထား

ရိုဟင်ဂျာတွေရဲ့ မူဝါဒ သဘောထားမှာ “မေတ္တာ၊ မျှော်လင့်ချက်နဲ့ ကြောက်စိတ်” ပဲဖြစ်တယ်။ ရိုဟင်ဂျ…